යුක්‍රේන ජනපතිගේ නියෝජ්‍ය කාර්යාලයේ ප්‍රධානී ඉල්ලා අස්වෙයි
යුක්‍රේන ජනාධිපති Volodymyr Zelenskyගේ නියෝජ්‍ය කාර්යාලයේ ප්‍රධානියා වූ Kyrylo Tymoshenko තම ඉල්ලා අස්වීම පිළිබඳව නිවේදනය කර ඇති බව විදෙස් මාධ්‍ය පවසනවා.
ඔහු මිල අධික මෝටර් රථ භාවිතය හා සම්බන්ධ චෝදනාවන්ට සම්බන්ධ වී ඇති බව සඳහන් කළත් ඔහු එම චෝදනා ප්‍රතික්ෂේප කර ඇති බවයි විදෙස් මාධ්‍ය පවසන්නේ.
ඉදිරි දිනවලදී අනෙකුත් ඉහළ නිලධාරීන් ද තම රජයෙන් ඉවත් වන බවට යුක්‍රේන ජනාධිපති සෙලෙන්ස්කි මහතා අඟවා ඇතැයිද විදෙස් මාධ්‍ය පවසනවා.
එමෙන්ම ඔහු පවසා ඇත්තේ රජයේ, කලාපීය බලධාරීන්ගේ සහ ආරක්ෂක අංශවල පුද්ගල වෙනස්කම් මාලාවක් සිදු කරන බවයි.
මෙම ප්‍රතිව්‍යුහගත කිරීම පැමිණෙන්නේ යුක්‍රේනයේ දූෂණය මැඩපැවැත්වීම මධ්‍යයේ වන අතර එය යුරෝපා සංගමයේ ප්‍රධාන ඉල්ලීම්වලින් එකක් බවද විදෙස් මාධ්‍ය පවසනවා
එමෙන්ම සියලුම රාජ්‍ය නිලධාරීන්ට යුක්‍රේනය හැර යාම බලධාරීන් විසින් තහනම් කර ඇති බවයි විදෙස් මාධ්‍ය පවසන්නේ.
යුක්‍රේනයේ නියෝජ්‍ය යටිතල පහසුකම් අමාත්‍ය Vasyl Lozinskyi ඩොලර් 400,000ක් වටිනා අල්ලසක් ලබා ගත් බවට චෝදනා කිරීමෙන් පසු ඔහුව සේවයෙන් ඉවත් කර එරට පොලිසිය විසින් රඳවා තබා ගෙන ඇති නමුත් ඔහු එම චෝදනා ප්‍රතික්ෂේප කර තිබෙනවා.