වාහනයට ගංජා දැමුවා කියූ පොලිස් නිලධාරියාගේ වැඩ තහනම්

පොලිස් නිලධාරීන් පිරිසක් වාහනයක් පරීක්ෂා කරන මොහොතේ වාහනය තුළට පොලිස් කොස්තාපල්වරයෙකු විසින් කංසා දමා තරුණ පිරිසක් අමාරුවේ දැමීමට උත්සාහ කිරීම සම්බන්ධයෙන් පොලිස් කොස්තාපල්වරයෙකුගේ සේවය තහනම් කර තිබෙනවා.

මෙම සිදුවීම සමාජ මාධ්‍ය ඔස්සේ ඉමහත් ප්‍රසිද්ධියට ලක්වූ බවද සඳහන්.

වැඩ තහනමට ලක්වූ පොලිස් කොස්තාපල්වරයා කොල්ලුපිටිය පොලීසියේ, පොලිස් කොස්තාපල්වරයෙකු ලෙස සේවය කළ බව සඳහන්.

සිද්ධිය සම්බන්ධයෙන් ජ්‍යේෂ්ඨ පොලිස් නිලධාරියෙකු සඳහන් කර ඇත්තේ අදාළ කංසා තොගය පොලීසියට භාර නොදීමේ චෝදනාව අනුව මෙම කොස්තාපල්වරයාගේ සේවය තහනම් කර ඇති බවයි.