තායිවානය දෙසට එන චීන හමුදාව
සිය භූමිය ආසන්නයේ ක්‍රියාත්මක වන චීන හමුදා ගුවන් යානා 29ක්, නාවික යාත්‍රා 8ක් සහ එක් නිල නෞකාවක් නිරීක්ෂණය කළ බව තායිවානය පවසනවා.
එරට ආරක්ෂක අමාත්‍යාංශය පවසන්නේ චීන මහජන විමුක්ති හමුදාවේ ගුවන් යාන 29ක් තායිවාන සමුද්‍ර සන්ධියේ මාධ්‍ය රේඛාව හරහා ගොස් තායිවානයේ උතුරු, නිරිතදිග සහ නැගෙනහිර ගුවන් ආරක්ෂක හඳුනාගැනීමේ කලාපයට ඇතුළු වී ඇති බවයි.
ඒ අනුව ඊට ප්‍රතිචාර දැක්වීම සඳහා තායිවානය ගුවන් යානා සහ නාවික හමුදාවේ යාත්‍රා යොදවා චීන මහජන විමුක්ති හමුදාවේ ක්‍රියාකාරකම් නිරීක්ෂණය කිරීම සඳහා වෙරළබඩ පාදක මිසයිල පද්ධති සුදානම් කර ඇති බව සඳහන්.