fbpx
ලිංගික අතවර චෝදනා එල්ල වූ හිටපු ඔලිම්පික් පුහුණුකරු දිවි නසා ගනියි

ලිංගික අතවර චෝදනා එල්ල වූ හිටපු ඔලිම්පික් පුහුණුකරු දිවි නසා ගනියි

එක්සත් ජනපදයේ හිටපු ඔලිම්පික් ජිම්නාස්ටික් පුහුණුකරුවෙකු ලිංගික අතවර සහ මිනිස් ජාවාරම සම්බන්ධයෙන් චෝදනා ලැබ පැය කිහිපයකට පසු සියදිවි නසා ගත් බව බලධාරීහු පවසා තිබෙනවා

මිචිගන් නීතිපති ඩනා නෙසෙල්ගේ කාර්යාලය ජෝන් ගෙඩර්ට්ගේ මරණය තහවුරු කර තිබෙන බවයි විදෙස් මාධ්‍ය වාර්තා කරන්නේ

නෙසල් මහත්මිය ගෙඩර්ට්ට මුහුණ දුන් දරුණු චෝදනා 24 ක් ගෙනහැර දක්වා තිබෙනවා

නෙසෙල් මහත්මිය ගෙඩර්ට්ට එරෙහිව වෙනම චෝදනා 24 ක් ප්‍රකාශයට පත් කර තිබුණේ “විත්තිකරු විසින් බහුවිධ තරුණියන්ට එරෙහිව කරන ලද වාචික, ශාරීරික හා ලිංගික අපයෝජන ක්‍රියාවන් කෙරෙහි අවධානය යොමු කරන්න” යනුවෙන්

ගෙඩර්ට් 2012 දී කාන්තා ජිම්නාස්ටික් කණ්ඩායමේ ප්‍රධානියා වූ අතර ක්‍රීඩක ක්‍රීඩිකාවන් සිය ගණනක් අපයෝජනය කළ කණ්ඩායම් වෛද්‍යවරිය වන ලැරී නසාර් සමඟ සමීපව කටයුතු කර තිබුණා .

ගැහැණු ළමයින් 250 කට වැඩි පිරිසක් අපයෝජනය කිරීම සම්බන්ධයෙන් නසාර්ටද 2018 දී වසර 300 ක සිර දඬුවමක් නියම වුණා

63 හැවිරිදි ගෙඩර්ට් මිචිගන් හි පුහුණු මධ්‍යස්ථානයක් පවත්වාගෙන ගොස් ඇති අතර එහිදී නසාර් ව්‍යායාම් ශාලාවේ වෛද්‍යවරයා ලෙස සේවය කර තිබෙනවා

නසාර්ගේ නඩු විභාගයේදී සාක්ෂි දුන් විට ජිම්නාස්ටික් ක්‍රීඩකයින් ගණනාවක් ගෙඩර්ට් එහිදී නින්දා සහගත ලෙස හැසිරුණු බවට චෝදනා කර තිබෙනවා

ඊයේ දහවල් ඔහු පැමිණෙනු ඇතැයි අපේක්ෂා කළ නමුත් පෙනී නොසිටි බව නීතිපති කාර්යාලය පවසා තිබෙන අතර ජෝන් ගෙඩර්ට්ගේ මළ සිරුර ඔහුගේ දිවි නසා ගැනීමෙන් පසු දහවල් සොයා ගත් බව මගේ කාර්යාලයට දන්වා තිබේ. ”යනුවෙන් මිචිගන් නීතිපති නෙසෙල් මහත්මිය පසුව නිවේදනයක් නිකුත් කරමින් කියා සිටි බව විදෙස් මාධ්‍ය වාර්තා කරනවා .

වයස අවුරුදු 13 ත් 16 ත් අතර දැරියක් ලිංගික අතවරයට ලක්වූ බවට චෝදනා දෙකක්,තම ක්‍රීඩක ක්‍රීඩිකාවන්ට තුවාල හා හානිවලින් පීඩා විඳි අතිශය කොන්දේසි යටතේ බලහත්කාරයෙන් ශ්‍රමය හෝ සේවයට යටත් කිරීම යන චෝදනාව මත ඔහු මිනිස් ජාවාරම් චෝදනා 14 කට මුහුණ දීමට සිදුව තිබෙනවා

එමෙන්ම 2020 ජනවාරි මාසයේදී ඇමරිකා එක්සත් ජනපදයේ ජිම්නාස්ටික් ආයතනය විසින් නසාර් විසින් අපයෝජනයට ලක් කරන ලද ක්‍රීඩක ක්‍රීඩිකාවන් කණ්ඩායමට ඩොලර් මිලියන 215 ක මුදලක් ගෙවීමේ සැලසුමක් ප්‍රකාශයට පත් කෙරුණා

ඇමරිකා එක්සත් ජනපදයේ ජිම්නාස්ටික් සභාපති සහ ප්‍රධාන විධායක ලී ලී ලියුන්ග් පවසා ඇත්තේ “අපගේ ක්‍රීඩක ක්‍රීඩිකාවන්ගේ හා ප්‍රජාවේ විශ්වාසය කෙතරම් ගැඹුරට බිඳ දමා ඇත්දැයි ඔවුන් හඳුනාගෙන ඇති අතර එම විශ්වාසය නැවත ගොඩනඟා ගැනීමට වෙහෙස මහන්සි වී වැඩ කරන” බවයි.

එහෙත්, එක්සත් ජනපදයේ වඩාත්ම සරසන ලද ජිම්නාස්ටික් ක්‍රීඩක සිමෝන් බයිල්ස් ඇතුළු සමහරු විශ්වාස කරන්නේ මෙම වංචාව සම්බන්ධයෙන් සංවිධානය “සිය ක්‍රියාවන්ට පූර්ණ වගවීමක් ගෙන නොමැති” බවයි.

නසාර් විසින් අපයෝජනයට ලක් කරන ලද ජිම්නාස්ටික් ක්‍රීඩකයෙකු වූ 23 හැවිරිදි බයිල්ස් ස්වාධීන පරීක්ෂණයක් ඉල්ලා තිබේ.

“අපි ඔවුන්ට පදක්කම් ගෙන එනවා. අපි අපේ කොටස කරනවා. ඔබට ඔබේ කොටස ආපසු කළ නොහැකිද?” ඇය පසුගිය සතියේ සීබීඑස් වෙත පවසා තිබෙන බවද විදෙස් මාධ්‍ය වාර්තා කරනවා

Share This