fbpx
හැටන් නගරයේ ප්‍රධාන කාන්තා පාසලක නේවාසිකාගාරයක සිසුවියන් 20ක් ස්වයං නිරෝධායනයට

හැටන් නගරයේ ප්‍රධාන කාන්තා පාසලක නේවාසිකාගාරයක සිසුවියන් 20ක් ස්වයං නිරෝධායනයට

හැටන් නගරයේ පිහිටි ප්‍රධාන කාන්තා පාසලක නේවාසිකාගාරයක සිසුවියන් 20 දෙනෙකු,එම නේවාසිකාගාර භාරව සිටි කන්‍යා සොහොයුරියන් දෙදෙනෙකු සහ සේවිකායන් දෙදෙනෙකු නේවාසිකාගාරය තුළම ස්වයං නිරෝධානයට යොමු කර එම නේවාසිකාගාරයේ රෝගි ලක්ෂණ මතු වු සිසුවියන් දෙදෙනෙකු (20) දින දික්ඔය මුලික රෝහලට ඇතුලත් කල බව හැටන් දික්ඔය නගර සභාවේ මහජන සෞඛ්‍යය පරික්ෂක ආර්.ආර්.එස්.මැදවෙල මහතා පවසනවා.

එම පාසලේ 10 ඒ සහ 11 ඒ වසරවල අධයාපනය ලබන සිසුවියන් දෙදෙනෙකුයි මෙසේ රෝහල් ගත කරනු ලැබුවේ.

ඉන් එක් සිසුවියකට මිට ප්‍රථම කොවිඩ් 19 වෛරසය අසාදනය වි සුව වු සිසුවියක් බවත් , එම සිසුවිය මොරටුව ප්‍රදේශයේ පදිංචි සිසුවියක් බවයි මහජන සෞඛ්‍යය පරික්ෂකවරයා කියා සිටියේ.

රෝහල් ගත කල අනෙක් සිසුවිය මට්ටකුලිය ප්‍රදේශයේ පදිංචිකාරිනියක් බවත්, එම සිසුවිය (12) දින පාසලේ නේවාසිකාගාරය වෙත පැමිණ ඇති බවත්, එම සිසුවියන් දෙදෙනා (18,19) යන දෙදින තුල පාසලට ගොස් ඇති බවට තොරතුරු සනාථ කරගෙන ඇති බවයි මහජන සෞඛ්‍යය පරික්ෂකවරයා කියා සිටින්නේ.

නේවාසිකාගාරය සම්පුර්ණයෙන්ම විෂබිජහරණයට ලක් කරන බවත්, රෝහල් ගත කළ සිසුවියන් දෙදෙනා අධ්‍යාපනය ලැබු පන්ති කාමරවල සිසු සිසුවියන්ද ස්වයං නිරෝධානයට යොමු කර මුළු පාසලම සහ නේවාසිකාගාරය විෂබිජහරණය කිරිමට කටයුතු කරන බවද හැටන් දික්ඔය නගර සභාවේ මහජන සෞඛ්‍යය පරික්ෂක ආර්.ආර්.එම් මැදවෙල මහතා වැඩිදුරටත් සඳහන් කළා.

Share This