fbpx
ස්වයං නිරෝධායනයට යොමු කර සිටි එක්දරු මවක් ජීවිතක්ෂයට

ස්වයං නිරෝධායනයට යොමු කර සිටි එක්දරු මවක් ජීවිතක්ෂයට

ස්වයං නිරෝධායනයට යොමු කර සිටි එක්දරු මවක් අද පස්වරුවේ ජීවිතක්ෂයට පත් වි ඇති බව අඹගමුව කොවිඩ් 19 ප්‍රාදේශිය සම්බන්ධිකරණ විශේෂ ඒකකයේ පරිපාලන මහජන සෞඛ්‍යය පරික්ෂක පි.කාමදේවන් මහතා පවසනවා.

මෙසේ ජිවිතක්ෂයට පත් වී ඇත්තේ හැටන් පොලිස් වසමට අයත් හැටන් ඩන්බාර් වත්තේ පදිංචි පි.අංජලෙයි නැමති (84) හැවිරිදි එක්දරු මවක්.

මිය ගිය එක්දරු මවගේ මිණිබිරියි බම්බලපිටිය ප්‍රදේශයේ රැකියාවක නිරතව සිට ඉකුත් (17) දින හැටන් මිත්තනියගේ නිවසට පැමිණිමෙන් පසු හැටන් ප්‍රදේශය භාර මහජන සෞඛ්‍යය පරික්ෂකවරයා විසින් මිණිබිරිය ඇතුළු තවත් පවුලේ 8 දෙනෙක් ස්වයං නිරෝධායනයට යොමු කර තිබුණා.

ජීවිතක්ෂයට පත් එක්දරු මවගේ මරණ පරීක්ෂණය හැටන් හදිසි මරණ පරික්ෂක ඒ.ජේ.එම්.ෆසිර් මොහොමඩ් මහතා විසින් පැවැත්වු අතර , එහිදි හදිසි මරණ පරික්ෂකවරයා හැටන් පොලිසියට නියෝග කරනු ලැබුවේ මියගිය එක්දරු මවගේ පී .සී .ආර් පරික්ෂණයක් සිදු කර සිරුර පශ්චාත් මරණ පරික්ෂණය සදහා දික්ඔය මුලික රෝහලේ අධිකරණ වෛද්‍යයවරයා වෙත යොමු කරන ලෙසයි.

Share This