fbpx
ජපානය සහ ශ්‍රී ලංකාව අතර ආර්ථික සහයෝගිතාව ශක්තිමත් කෙරේ

ජපානය සහ ශ්‍රී ලංකාව අතර ආර්ථික සහයෝගිතාව ශක්තිමත් කෙරේ

ආර්ථික සහයෝගිතාවය පුළුල් කිරීම සඳහා ජපානය හා ශ්‍රී ලංකාව කරුණු සමාලෝචනය කොට සමකාලීන වශයෙන් අදාළ වන ක්ෂේත්‍රයන්හි සහයෝගීතාව තවදුරටත් තහවුරු කිරීම සඳහා එකඟ වී තිබෙනවා

ශ්‍රී ලංකා – ජපාන ප්‍රතිපත්ති සංවාදයේ දෙවැනි වටය විදේශ අමාත්‍යාංශ දෙකේ ජ්‍යෙෂ්ඨ නිලධාරීන්ගේ මට්ටමින් 2021 ඊයේ දින පැවැතිි අවස්ථාවේදී මෙම එකඟතාවට පැමිණ තිබෙනවා

ශ්‍රී ලංකාව සහ ජපානය අතර වාර්තාගත දේශපාලන හා සංස්කෘතික අන්තර්ක්‍රියාකාරිත්වයේ ශක්තිමත් පදනම පිළිබඳව සිහිපත් කරමින්, දෙපාර්ශ්වයම ජාතික, කලාපීය හා ජාත්‍යන්තර මට්ටම්වල ප්‍රතිපත්තිමය ප්‍රමුඛතා රාශියක් පිළිබඳව සාකච්ඡා කර තිබෙන අතර දෙරටේ පොදු අභිලාෂයන් ඉටු කර ගැනීම සඳහා එක්ව කටයුතු කිරීමට තීරණය ගෙන තිබෙනවා .

ඉන්දියන් සාගරය තුළ, නීති රීති පදනම් කරගත් සමුද්‍රීය පිළිවෙලක වැදගත්කම හඳුනාගන්නා ලද අතර, බහුපාර්ශ්වීය වේදිකාවල සමුද්‍රීය සහයෝගීතාව සහ අන්‍යෝන්‍ය සහයෝගය වැඩි දියුණු කිරීම සඳහා වන ඒකාබද්ධ ප්‍රයත්නයන් අඛණ්ඩව සිදු කිරීමට දෙපාර්ශ්වයම මෙහිදී තීරණය කර තිබෙනවා

විදේශ ලේකම් අද්මිරාල් මහාචාර්ය ජයනාත් කොළඹගේ මහතා ශ්‍රී ලාංකික දූත පිරිසට නායකත්වය ලබා දුන් අතර, ජපානයේ විදේශ කටයුතු පිළිබඳ ජ්‍යෙෂ්ඨ නියෝජ්‍ය අමාත්‍ය මොරි ටකෙයෝ මැතිතුමා ජපාන පාර්ශ්වය වෙනුවෙන් සහභාගී වුණා

Share This