fbpx
කෝලිගේ නම වෙනස් වෙයි

කෝලිගේ නම වෙනස් වෙයි

ඉන්දීය සුපිරි ක්‍රිකට් ක්‍රීඩක විරාට් කෝලිගේ නිල ට්විටර් ගිණුමෙහි නම සිම්රන්ජීත් සිං යනුවෙන් වෙනස් කිරීමට ඔහු පියවරගෙන තිබෙනවා.

ඉන්දීය ප්‍රිමියර් ලීග් ක්‍රිකට් තරගාවලියේ පසුගිය (21 වැනිදා) සන්රයිසස් හයිද්‍රාබාද් සමගින් පැවැත්වීමට නියමිතව තිබුණු තරගයේදී කෝලි අදාළ නම සඳහන් ජර්සිය ඇඳ තරග වැදුනා.

සිම්රන්ජීත් සිං කොරෝනා වයිරසයෙන් පීඩා විඳින ඉන්දීය ජනතාව වෙනුවෙන් ආධාර එකතු කළ ශ්‍රවණාබාධිත පුද්ගලයෙක් වේ. සිම්රන්ජීත් සිං ඔහුගේ මිතුරන් හා එක්ව ඒ අයුරින් ඉන්දීය රුපියල් 98,000 ලබා දී තිබෙනවා.

විරාට් කෝලිගේ නායකත්වයෙන් යුත් රෝයල් චැලේනජර්ස් බැංගලෝර් කණ්ඩායම මෙවර තරගවාරය ආරම්භක අවදියේ පටන්ම ‘මගේ කොවිඩ් වීරයෝ’ යන වැකියට වටිනාකමක් දෙමින් කටයුතු කෙරුවා. ඒ හේතුවෙන් සිම්රන්ජීත් සිංගේ නම කෝලි විසින් සිය ජර්සියේ සටහන්කර තිබෙන අතර ඊයේ තරගයෙන් පසුව එම ජර්සිය ප්‍රසිද්ධ වෙන්දේසියේ තබා ඉන් අයවන මුදල් කොරෝනා අරමුදලක් සඳහා බැර කර තිබෙනවා.

ඒ අයුරින් ඒ.බී. ඩිවිලියර්ස්, ඩේල් ස්ටේන්, උමේෂ් යාදෙව්, යුශ්වෙන්දර් චාහාල්, පාර්තිව් පටෙල් ඇතුලු ක්‍රීඩකයින් බහුතරයක් සිය ජර්සියේ කොවිඩ් වීරයන්ගේ නම් සඳහන් කරගෙන තිබුනා.

Share This